तिमी प्रतिबद्ध बन्नुपर्छ

मान्छे आखिर मान्छे नै हो

तर असल मान्छे बन्न कैयौं प्रयास गर्नुपर्छ

पहाडको शिखरमा चढ्न सायद सबैलाई इच्छा हुँदैन होला

तर तिमीले त्यो शिखर चढ्ने हिम्मत गर्नैपर्छ
कसैले तिमीलाई अपमान र तिरस्कार गर्न सक्छन् साथी

ती सबै घमण्डबहादुरहरुको सामु तिमी

सतिसालझै प्रतिबद्ध भएर हाँस्नु सक्नुपर्छ

नागवेली परेका बाटाहरुको बीच चौतारीमा

नसुस्ताउँदै वेगवान् घोडाझै अगाडी बढ्नुपर्छ

एउटा असल मान्छे बन्न तिमीले हजारौं प्रयत्न गर्नुपर्ने हुन्छ साथी

निरन्तर निरन्तर...................... ।